Toshkent, O‘zbekiston (UzDaily.uz) — Kambag'allikni qisqartirish va bandlik vaziri oʼrinbosari Ra'no Turdiboyeva Filippin davlatining Oʼzbekistondagi elchisi Roberto Manalo bilan uchrashdi.

Uchrashuvda O‘zbekistonda turli sohalarida vaqtinchalik mehnat faoliyatini amalga oshirayotgan Filippin fuqarolarining mehnat huquqlarini himoya qilish masalalari muhokama qilindi.

Tomonlar Filippinning bu boradagi boy tajribasiga tayangan holda mehnat migratsiyasi va kasb-hunar ta’limi sohasida ham o‘zaro tajriba almashdilar.