Toshkent, O‘zbekiston (UzDaily.uz) — 2025 yil 24 aprel kuni Toshkentda Rossiya Moliya vazirligi huzuridagi Moliyaviy ilmiy-tadqiqot instituti MITI) hamda O‘zbekiston Iqtisodiy va moliya vazirligi huzuridagi Byudjet-soliq ilmiy tadqiqot instituti (BSITI) o‘zaro anglashuv to‘g‘risidagi Memorandumni imzoladi.

Hujjatga MITI direktori Vladimir Nazarov va BSITI direktori o‘rinbosari Shuxrat Shukurov tomonidan imzo qo‘yildi.

Memorandumning asosiy maqsadi — ikki institut o‘rtasida ilmiy tadqiqotlar va taʼlim dasturlari sohasidagi hamkorlikni rivojlantirish uchun huquqiy va tashkiliy asos yaratishdan iborat.

Hamkorlik doirasida turli shakldagi hamkorlik ko‘zda tutilgan, jumladan: tahliliy maʼlumotlar almashish, ilmiy maqolalarni hammualliflikda chop etish, stajirovkalar o‘tkazish, konferensiyalarda qatnashish va ilmiy-taʼlimiy aloqalarni kengaytirishga qaratilgan boshqa tadbirlar.

Imzolash marosimida O‘zbekiston Iqtisodiyot va moliya vaziri o‘rinbosari Axadbek Haydarov ham ishtirok etdi.

Tomonlar bu hamkorlik ikki davlat iqtisodiy rivojiga salmoqli hissa qo‘shishini taʼkidlashdi.

«Mazkur Memorandumni imzolash — so‘nggi besh yillik davomidagi hamkorligimizning mantiqiy davomidir. Bugundan boshlab biz MITI va BSITI o‘rtasida tajriba va bilim almashishga yo‘naltirilgan yangi hamkorlik bosqichini boshlaymiz», — dedi BSITI direktori o‘rinbosari Shuxrat Shukurov.

«Biz MITI va BSITI o‘rtasida tajriba va bilimlar almashinuvi bo‘yicha sifat jihatidan yangi bosqichni boshlayapmiz», — deya qo‘shimcha qildi u.