Toshkent, O‘zbekiston (UzDaily.uz) — O‘zbekiston 2025 yilning yanvar–iyul oylarida jami 6,5 ming tonna sholi import qildi. Umumiy qiymat 2,9 million AQSH dollarini tashkil etdi. Bu haqda Milliy statistika qo‘mitasining dastlabki maʼlumotlarida xabar qilindi.

Sholi yetkazib beruvchi asosiy davlat Qozog‘iston bo‘lib, yetti oy ichida 4,3 ming tonna mahsulot eksport qildi. Ikkinchi o‘rinni 1,1 ming tonna bilan Hindiston egalladi. Keyingilar — Qirg‘iziston (582 tonna), Pokiston (186 tonna) va Xitoy (66 tonna). Qolgan davlatlar hissasiga esa 289 tonna to‘g‘ri keldi.

Shu tariqa, joriy yilda O‘zbekistonga import qilingan sholining uchdan ikki qismidan ko‘prog‘ini Qozog‘iston taʼminladi.