Ташкент, Узбекистан (UzDaily.uz) – Барчамиз орзиқиб кутган сўлим баҳор кириб келиши билан табиат очилиб, кўнгилларимиз ёруғ туйғуларга тўлиб боради. Биз бугун Яратганниинг буюк мўжизаси бўлган, ҳаёт давомийлиги ва абадийлигини ўзида мужассам этган аёл зотини, табаррук оналарни улуғлар эканмиз, беихтиёр Алишер Навоийнинг "Жаннат оналарнинг оёғи остидадир” мазмунидаги сўзларини эслаймиз ва муқаддас аёл сиймоси олдида таъзим қиламиз.

Маълумотларга кўра, “аёл" арабча сўз бўлиб, “оила" калимаси билан ўзакдош хисобланади. Дархақиқат аёл, оилани ҳам, жамиятни ҳам бирлаштириб, унга файзу барокот киритадиган, хонадонларимизни меҳр-муҳаббат, нафосат, эзгулик нури билан мунаввар қиладиган зотдир. Чиндан ҳам, аёллларимизнинг оилада тутган ўрни беқиёс. Онамизни, опа – сингил, рафиқамиз, қизларимизни  қанча улуғласак, ҳаётимизнинг чироғи, умримизнинг гули деб эъзозласак, хато бўлмайди. Шарқда аёлни фариштага қиёс қилишади. Аёл бу энг аввало она, қайсики, фарзандига ҳаёт ва инсонийлик фазилатларини бахш эувчи чашмадир. Мунис ва мўтабар аёлларимиз ҳақида кўп ва хўп гапириш мумкин. Турган гапки, кўпчилик эркаклар ушбу байрамда совға масаласида бош қотиришади. Албатта бунда ҳар бир инсонинг дидига қараб совға танлаш мухим. Бунда  хотин-қизларнинг қизиқиши ёқтирган нарсалари ва албатта унга керакли бўлган буюм ва анжомлар дид билан танланса унда бу байрам совға эгаси ун унутилмас бўлиб қолиши аниқ. Кимдир қимматроқ совға сотиб олишни хуш кўрса, баъзилар эса аммо ноодатий туҳфаларни ҳадя этишга харакат қилади. Муҳими, совға танлаётганда фантазияни ишга солишнинг ўзи  кифоя. Шу ўринда айтиш жоизки, совға ҳадя этмоқчи бўлган инсоннинг табиатини ҳам ҳисобга олиш керак. Айниқса, аёллар ёки қизлар учун совға тайёрлаш бироз қийин. Кўпчиликни байрам арафасида атир-упа, гул ва уй учун мўлжалланган буюмлар сотиладиган дўконларда учратиш мумкин.

Барчага маълум совғалар орасида энг еқимлиси бу гулдастадир. Гул барча  аёлларга  ўзгача бир кайфият улашади. Маълумот ўрнида айтиш керакки, ҳар бир гул ва унинг рангини ўз маноси бор. Шунингдек гул дастадаги гуллар сони ҳам муайян маънони англатади. Аслини олганда, аёллар учун чин қалбдан айтилган дил изҳори ёхуд ширин сўзнинг ўзи катта совға. Ҳар қандай тортиқ уларнинг нозик кўнглини тоғдек кўтаради. Шундай экан, муҳим саналарда, қувончли айём ва туғилган кунларда яқинларингиз учун ҳадялар улашишни ёддан чиқармайлик. Зеро, мунис аёллар, меҳрибон онажону бувижонлар, опа-сингилларимизга қанча совға қилсак, шунча кам. Яқинларимиз томонидан бериладиган ҳар қандай туҳфа биз учун ниҳоятда қадрлидир. Совға қандай бўлишидан қатъий назар, инсон  кўнглини кўтаришга, яхши кайфият улашишга хизмат қилиши керак.

Субхидамда аста бош кўтарган бинафша гул мисоли нозиқ қалбга эга аёлларни, қуёшнинг қайноқ харорат ила  таратаётаган нурлари каби қайноқ дил изхорлари билан муборакбод этишни унутманг. Сабаби, бизнинг эътиборимиз ва эътирофимиз уларнинг нозиқ кўнглини тоғдек кўтаради. Улар сиз бир сонияни тасаввур қилиш мумкинми? йўқ, мумкин эмас! Шунинг учун ҳам улар ҳаётимиз мазмуни, уларнинг кўзларидаги қувончни кўз ёшларга айлантирмайлик. Чунки, уларнинг бири онамиз, бири опамиз ёки синглимиз, бири рафиқамиз. Яна бир карра байрамингиз билан азиз аёллар!!!