Агентликнинг қайд этишича, 2016-йилнинг 8-июль куни Шахэ шаҳри (маъмурий жиҳатдан Синтай шаҳрига киритилган/Хэбэй провинцияси, Шимолий Хитой)дан Ўзбекистон пойтахтига юк таркиби жўнатилди.

Бу Пекин-Тяньцзинь-Хэбэй ҳудудлари оралиғи ҳамда Марказий Осиё ўртасидаги юк ташувчи темир йўл маршрутининг дастлабкисидир.

Юк таркибида шиша, болалар коляскаси ва бошқа товарлар ўрин олган, дея қайд этади “Синьхуа” агентлиги.

Мазкур маршрутнинг узунлиги 5 минг км. атрофида, йўлга кетадиган вақт 8 кун бўлиб, бу шу кундаги Марказий Осиёга юраётган амалдаги энг тезкор маршрут ҳисобланади.