Тошкент, Ўзбекистон (UzDaily.uz) — Янги энергия соҳасидаги ҳамкорлик Хитой ва Ўзбекистон ўртасидаги ўзаро манфаатли ҳамкорликнинг калитдир. Буни Ўзбекистондаги Хитой элчиси Ю Жун айтиб ўтди.

У, Ўзбекистоннинг янги иқтисодиётни қуришда паст карбонли иқтисодиётга ўтишга катта аҳамият бераётганини ва 2030 йилга қадар қайта тикланадиган энергиянинг улушини 40% га ошириш мақсадини қўяётганини таъкидлади.

Элчи ҳозирда янги энергия соҳасидаги ҳамкорлик Хитой ва Ўзбекистон ўртасидаги шерикликнинг муҳим элементи эканлигини қайд этди. Шунингдек, Хитой капиталининг, технологияларининг ва корхоналарининг фаол иштироки туфайли Ўзбекистонда фотоэлектрик, шамол ва гидроэнергияга оид кўплаб лойиҳалар амалга оширилгани ва янги электротранспорт ишлаб чиқариш линиясининг яратилганини эслатиб ўтди.

Дипломатик миссия раҳбари Хитойнинг энергетик трансформация билан боғлиқ янги соҳаларда Ўзбекистон билан ҳамкорликни чуқурлаштиришга тайёрлигини ва саноат ривожланишини ва ишлаб чиқаришни локализация қилишни қўллаб-қувватлашини билдирди.

У «таъминот занжирини» «ўзаро манфаатлар занжирига» айлантиришга интилаётганини таъкидлаб, бу икки мамлакат халқларига кўпроқ фойда келтиришини айтди.

Хитой энергетик трансформацияни фаол равишда илгари суриб, аллақачон дунёдаги энг йирик қайта тикланадиган энергия бозорига айланган. Элчи, Хитой бир неча йил давомида шамол ва қуёш энергияси бўйича ўрнатилган қувват кўрсаткичлари жиҳатидан этакчи ўринни эгаллаб келаётганини таъкидлади.