Тошкент, Узбекистан (UzDaily.uz) – 2019 йил февралда жаҳон молия бозорларида Ўзбекистоннинг 1 миллиард АҚШ доллари миқдоридаги 5 ва 10 йиллик суверен халқаро облигациялари жойлаштирилган эди.

Ўзбекистон Республикасининг илк суверен халқаро облигацияларини жойлаштиришдан тушган маблағлардан самарали фойдаланиш тўғрисидаги Президент қарори (ПҚ-4258, 02.04.2019 й.) билан маблағлар мамлакат ва халқимиз фаровонлигини янада ошириш, стратегик муҳим аҳамиятга эга бўлган лойиҳаларни молиялаштириш мақсадида тегишли фоизлар билан қайтариш шартларида қуйидагиларга йўналтирилади:

889,2 млн. АҚШ доллари аукцион орқали тижорат банкларининг депозитларига жойлаштирилади;

20 млн. АҚШ доллари “Агробанк” АТБга қарз сифатида берилади;

89,9 млн. АҚШ доллари “Навоий кон-металлургия комбинати” давлат корхонасига ссуда сифатида берилади.

Манба: Адлия вазирлигининг телеграмдаги “Ҳуқуқий ахборот” канали.