Тошкент, Ўзбекистон (UzDaily.uz) -- Ўзбекистоннинг велоспорт бўйича терма жамоаси Белгияда бўлиб ўтаётган "International Belgian track meeting" халқаро турнирида иштирок этмоқда. Танловда дунёнинг 11 мамлакатидан 15 та жамоа қатнашаяпти. Юртимиз шарафини Ольга Забелинская, Екатерина Кнебелева ва Муроджон Холмуродовлар ҳимоя қилишаяпти.

Омниум йўналишида бўлиб ўтган мусобақада Ольга Забелинская олтин медалга сазовор бўлди. Мазкур йўналишда кумуш ва бронза медаллар Польша ва Бельгия спортчиларига насиб қилган.

Эслатиб ўтамиз, бу Олга Забелинскаянинг Ўзбекистон сафида ютган тўртинчи олтин медалидир. Маълумот учун, ушбу мусобақалар спортчиларга 2020 йил Токиёда бўлиб ўтадиган 32-чи Олимпия ва 16-Паралимпия ўйинларида иштирок этиш учун рейтинг баҳоларини беради.