Тошкент, Ўзбекистон (UzDaily.uz) — Кузатув кенгаши бошқарув раисини танлади. Uzum Bankга Светлана Хе раҳбарлик қилади ҳамда Марказий Банк билан келишилгандан сўнг янги лавозимга тайинланади. Александр Филиппович операцион директор ролида Uzum Fintech бирлаштирилган йўналишининг маҳсулотлари ва сервисларини ривожлантиришда давом этади.

Светлана Хе 20 йилдан ортиқ вақт давомида банк соҳасида фаолият юритиб, корпоратив бошқарув, мижозлар ва бизнес учун сервис ва маҳсулотларни ривожлантиришга эътибор қаратган. Светлана Uzum Bankга ўтишдан олдин Янги Банк бошқарув раиси, шунингдек, Остобанк ва Капиталбанкъда раҳбарлик лавозимларида ишлаган.

Банкнинг янги бошқарув раиси Uzum Fintech жамоаси билан биргаликда компаниянинг узоқ муддатли стратегиясини кучайтириш ҳамда Ўзбекистон мижозлари ва тадбиркорлари учун илғор финтеч-сервисларни ишлаб чиқишга эътибор қаратади. Светлананинг тажрибаси молиявий маҳсулотларни кенгайтиришга ёрдам беради, шунда республиканинг миллионлаб аҳолиси пул маблағларини онлайн тарзда тез, осон ва ишончли бошқара олади.

Александр Филиппович Uzum Fintechда кросс-функционал бизнес-жараёнларни сифат жиҳатидан янги босқичга олиб чиқиш ҳамда маҳаллий ва халқаро ҳамкорлар билан алоқаларни ривожлантиришда давом этади.