Энг сўнгги янгиликлардан хабардор бўлинг
Телеграм каналимизга обуна бўлинг
Иқтисод
21/04/2016
Uzbekistan Airways янги “Business Lounge”ни фойдаланишга топширди
Uzbekistan Airways янги “Business Lounge”ни фойдаланишга топширди
Тошкент, Ўзбекистон (UzDaily.uz) --
“Тошкент” халқаро аэропортида қайта таъмирлашдан сўнг, “Ўзбекистон ҳаво йўллари” МАК ҳамда бошқа авиакомпанияларнинг бизнес-класс орқали учадиган пассажирларга юқори даражадаги мақомда хизмат кўрсатишга мўлжалланган янги Business Lounge Uzbekistan Airways фойдаланишга топширилди.
Янги Business Lounge Uzbekistan Airways дизайнини ишлаб чиқаришда энг сўнгги архитектура янгиликлари ва технологиялари инобатга олинди. Бу ерда жаҳон стандартларига жавоб берадиган пассажирларни рўйхатга олиш ҳамда юкларни текшириш учун энг замонавий техник ва технологик ускуналар ўрнатилган.
160 ўриндиқдан иборат кенг ва шинам 350 кв.м.ли кутиш залида она ва бола хонаси, душ қабул қилиш кабиналари, тиббиёт пункти, Duty free солиқсиз савдо магазинлари ишлаб турибди. Шунингдек, пассажирлар хизматида кенг турдаги таомлар ва ичимликларни ўз ичига олган кафе-бар бор.
Юмшоқ мебель, кенг форматли телеэкран, бепул Wi-Fi ва янги газета журналлар учишгача бўлган вақтингизнинг мароқли ва фойдали ўтишига замин яратади. Янги Business Lounge Uzbekistan Airways жисмоний имконияти чекланган шахслар учун ҳам махсус хизмат кўрсатади.
СЎНГИ ЯНГИЛИКЛАР
14/11/2024
Батафсил »