Тошкент, Ўзбекистон (UzDaily.uz) — Туркиядан Тошкентга Анқара рейси орқали учган фуқаро бортида ваъда қилинган глютенсиз овқат мавжуд эмаслиги юзасидан шикоят қилди, дея хабар бермоқда Истеъмолчилар ҳуқуқларини ҳимоя қилиш қўмитаси матбуот хизмати.

Қўмита маълумотига кўра, йўловчи чипта сотиб олиш вақтида соғлиги ҳақида олдиндан авиакомпанияни хабардор қилган ва махсус овқат тақдим этилиши тасдиқланган. Бироқ, учиш куни бу мажбурият бажарилмаган.

Шунингдек, йўловчи самолёт салонининг санитария-гигиена ҳолатидан ҳам норози бўлган — унинг ўрнида олдинги парвоздан қолган чиқиндилар топилган.

Хизмат текшируви натижасида Uzbekistan Airways ўз хатоларини тан олди. Маълум бўлишича, Анқара аэропортининг кейтеринг хизмати махсус овқатни юкламаган.

Келтирилган маънавий ва моддий зарар учун авиакомпания йўловчига кейинги парвозда бизнес-классга кўтарилиш (апгрейд) таклиф қилди. Шунингдек, салоон тозалиги ва хизмат стандартларига риоя этилишини назорат қилишни кучайтириш бўйича топшириқ берилди.