Тошкент, Ўзбекистон (UzDaily.uz) — АҚШ Президенти Дональд Трамп Исроил ва Эрон ўртасида ўт очишни тўхтатиш бўйича келишувга эришилганини эълон қилди. Ушбу келишув 12 кун давом этган қуролли тўқнашувни расман якунлаши кутилмоқда. Бу ҳақда у ўзининг Truth Social ижтимоий тармоғидаги саҳифасида маълум қилди.

Унинг сўзларига кўра, томонлар тўлиқ ва умумий сулҳга келишган. У олти соатдан сўнг — ҳар икки давлатнинг амалдаги операциялари якунланганидан кейин — кучга киради. Ўт очишни тўхтатиш 12 соат давом этади, шундан сўнг можаро расман тугаган деб эълон қилинади.

Трамп аниқлик киритганидек, биринчи бўлиб ҳарбий ҳаракатларни Эрон тўхтатади, Исроил эса унга 12 соат ўтиб қўшилади. Шу тариқа, 24 соат ўтгач, 12 кунлик урушнинг расман якунланиши қайд этилади.

Америка раҳбари, шунингдек, ҳар икки томонга жасорат, матонат ва ақл-заковат учун миннатдорлик билдирди. Унинг таъкидлашича, ана шу сифатлар узоққа чўзилган қуролли тўқнашувга барҳам бериш имконини берди.