Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
27/10/2016
Тошкентда қурилаётган уйнинг қулаши натижасида 3 киши ҳалок бўлган
Тошкентда қурилаётган уйнинг қулаши натижасида 3 киши ҳалок бўлган
Тошкент, Ўзбекистон (UzDaily.uz) --
Тошкентда қурилаётган уйнинг қулаши натижасида 3 киши ҳалок бўлган ва 2 киши турли даражада тан жароҳати олиб, шифохонага ётқизилган.
Ўзбекистон ФВВ хабарига кўра, 2016-йил 26-октябрь куни 11:30 ларда Тошкент шаҳар Шайхонтоҳур тумани, Фаробий кўчасидаги қурилиш ишлари олиб борилаётган 393б-сонли бино конструкцияларининг тўсатдан қулаши содир бўлган.
ФВВ нинг қайд этишича, ушбу фавқулодда вазият натижасида 3 киши ҳалок бўлган ва 2 киши турли даражада тан жароҳати олиб, шифохонага ётқизилган.
Дастлабки маълумотларга кўра, фавқулодда вазият содир бўлишига қурилиш меъёр-қоидаларининг бузилиши сабаб бўлган.
ФВВ қутқарув бўлинмалари томонидан бино вайроналари остидан 2 киши қутқариб олинган ва ҳалок бўлганларнинг жасади олиб чиқилган.
Қулаш содир бўлган жойда ФВВ, ИИВ ЁХБ ва Тошкент шаҳар ҳокимлигининг куч ва воситалари томонидан вайроналарни тозалаш ишлари олиб борилмоқда.
Фавқулодда вазият ўчоғи Тошкент шаҳар ИИББ куч ва воситалари томонидан ўраб олинган ҳамда олиб борилаётган ишлар хавфсизлиги таъминланган.
Юзага келган ҳолат юзасидан Шайхонтохур тумани ИИБ ва Прокуратураси томонидан суриштирув ишлари олиб борилмоқда.
СЎНГИ ЯНГИЛИКЛАР