Тошкентда жамоат транспорти тизими тубдан янгиланади. Бу ҳақда Ўзбекистон Президенти Шавкат Мирзиёев Тошкентда бўлиб ўтган ЎзЛиДеП партияси сессиясида нутқ сўзлади.

Бундан ташқари, 3000 километр ички йўллар модернизация қилинади ва 10 та замонавий кўприк қурилади, деди у.

Унга кўра, Тошкентнинг канализация тизими шаҳар ташқарисига кўчирилади, давлат-хусусий шериклик асосида янги тозалаш иншооти қурилади.

Келгуси беш йилда янги Тошкент шаҳрини қуриш лойиҳасини босқичма-босқич амалга ошириш бошланади.

“Яшил ҳудуд” миллий лойиҳаси бутун мамлакат бўйлаб амалга оширилади. Ҳудудларда ҳар йили камида 200 миллион кўчат экилади.

Бундан ташқари, Қорақалпоғистон Республикаси ва вилоят марказларида камида 50 гектар майдонда “яшил боғлар” барпо этилади.

Бундан ташқари, ҳар 50-100 минг кишига шаҳар ва вилоят марказларида жамоат боғлари ташкил этилади.

Шу билан бирга, дарахтларни кесишга муддатсиз мораторий жорий этилади. Бундан буён боғ ва кўкаламзорлардан бошқа мақсадларда фойдаланиш қатъиян ман этилади.