Тошкент, Ўзбекистон (UzDaily.uz) — Бугун тонгда Тошкентнинг Яккасарой туманида Cobalt русумидаги автомобилда ёнғин содир бўлди. Бабур кўчасидаги автомобиль ёнғини ҳақида хабар 09:59 да Тошкент шаҳар фавқулодда вазиятлар бошқармасига келиб тушгани маълум қилинди, деб хабар беради ФВВ матбуот хизмати.

Ёнғин-қутқарув бўлинмалари ҳодиса жойига 10:03 да етиб бориб, ёнғинни 10:06 да тезкорлик билан ўчиришди. Яхшики, ҳодиса жабрланувчилар ва қурбонларсиз якунланди.

Ҳозирги вақтда мутахассислар ёнғин сабабларини аниқлаш ва моддий зарар ҳажмини баҳолаш ишларини олиб бормоқда. Қўшимча маълумотлар кейинроқ тақдим этилади.