Тошкент, Ўзбекистон (UzDaily.uz) — 1 февраль куни соат 15:34 да Тошкентнинг Янгихаёт тумани, «Мархамат» маҳалласи 40-уй олдида автомашина ёниб кетди.

Ҳодиса ҳақида шаҳар Фавқулодда вазиятлар бошқармасига хабар келиб тушган ва тезкор равишда ёнғин-қутқарув гуруҳлари ҳодиса жойига етиб борган.

Расмий маълумотларга кўра, ёнғин ўчирувчилар 15:41 да воқеа жойига етиб келишган ва 15:46 да ёнғинни тўлиқ бартараф этишга муваффақ бўлишган.

Ходиса оқибатида ҳеч ким жабрланмаган, ҳалок бўлганлар йўқ.

Ҳозирда ёнғиннинг келиб чиқиш сабаблари ўрганилмоқда, етказилган моддий зарар миқдори аниқланмоқда. Мутахассислар эҳтимолий сабаблар, жумладан, техник носозлик ёки ташқи таъсирларни ўрганиб чиқмоқда.

Тергов якунлари бўйича қўшимча маълумотлар эълон қилиниши кутилмоқда.