Тошкент, Ўзбекистон (UzDaily.uz) — Президент Шавкат Мирзиёев ва Малайзия бош вазири Анвар Иброҳим иштирокида икки томон ўртасида жорий йилнинг февраль ойида Малайзияда музокаралар ўтказилган. Ҳамкорликни мустаҳкамлаш мақсадида Тошкент вилоятида Малайзиянинг етакчи компанияси бошқарувида махсус иқтисодий зона ташкил этиш режалаштирилган эди. 

Шу мақсадда, вилоят ҳоким Зойир Мирзаев "MMC Corporation” компанияси вакилларидан иборат делегация билан учрашув ўтказди. Айтиш мумкин, мазкур компания 1911 йилда ташкил қилинган бўлиб, бугунги кунда портлар ва логистика, энергетика, қурилиш ва муҳандислик, саноат индустриал ривожланиш соҳаларига ихтисослашган бир қанча компанияларни ўз ичига олган йирик корпорацияга айланган. 

Учрашув давомида Пискент туманида 120 гектар ер майдонида саноат зонасини ташкил этиш имкониятлари, шунингдек, уни ривожлантириш билан боғлиқ масалалар, фаолият юритиш истагини билдирган инвесторларга қўшимча шарт-шароитлар яратишга қаратилган бир қатор масалалар муҳокама этилди.

Махсус иқтисодий зонаси фақат экспортга йўналтирилган лойиҳаларга ихтисослашади.