Тошкент, Ўзбекистон (UzDaily.uz) — Centrum Air авиакомпанияси Ўзбекистон ва Тожикистон пойтахтлари ўртасида қўшимча авиақатновни амалга оширишни бошлади.

Тошкент – Душанбе – Тошкент йўналиши бўйича парвозлар ҳар ҳафтанинг чоршанба ва шанба кунлари, ҳафтада икки марта амалга оширилади.

Янги йўналишнинг очилиши икки давлат ўртасидаги транспорт алоқаларини кенгайтириш ва ўсиб бораётган йўловчи оқими эҳтиёжларини қондиришга қаратилган.