Тошкент, Ўзбекистон (UzDaily.uz) — Ўзбекистон Республикаси Миллий истиқболли лойиҳалар агентлиги "Тошкент Инвестиция Мажмуи" МЧЖ компаниясининг лицензиясини 10 кунга тўхтатди.

Лицензия 2024 йил 2 декабрдан 11 декабрга қадар вақтинчалик тўхтатилади. Ушбу давр мобайнида компания қонунбузарликларни бартараф этиши шарт.

Лицензиянинг тўхтатилиши натижасида "Тошкент Инвестиция Мажмуи" МЧЖнинг «Ягона дастурий-техник мажмуа» орқали фаолият юритиши ҳамда қимматли қоғозлар бозорида инвестиция воситачиси сифатида касбий фаолияти чекланади. Фаолият қайта тикланиши учун компания барча қонунбузарликларни бартараф этиши зарур.