Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
10/04/2018
ТИВ да ФАО делегацияси билан учрашув бўлиб ўтди
ТИВ да ФАО делегацияси билан учрашув бўлиб ўтди
Тошкент, Ўзбекистон (UzDaily.uz) --
2018 йилнинг 9 апрель куни Ўзбекистон Республикаси Ташқи ишлар вазирлигида мамлакатимизга ташриф билан келган БМТнинг Озиқ-овқат ва қишлоқ хўжалиги ташкилоти (ФАО) делегацияси билан учрашув бўлиб ўтди. Делегацияга ФАО Бош директори ўринбосари, Европа ва Марказий Осиё бўйича минтақавий вакили Владимир Рахманин бошчилик қилмоқда. Бу ҳақда ЎзР ТИВ Матбуот хизмати хабар беради.
Тасриф дастурига кўра Бухоро шаҳрида ипакчилик бўйича халқаро конференцияда иштирок этиш, икки томонлама учрашув ва музокаралар ўтказиш режалаштирилган.
ТИВда бўлиб ўтган суҳбат давомида таъкидланганидек, Ўзбекистон ва ФАО ўртасида самарали ҳамкорлик ўрнатлганлигини томонлар юқори баҳолайди. 2014-йил июн ойида ташкилотнинг Тошкентда Ваколатхонаси очилганидан сўнг алоқалар фаоллашгани қайд этилди.
Ҳозирги вақтда ўзбекистонлик ҳамкорлари билан биргаликда ФАО қатор миллий ва минтақавий лойиҳаларни амалга оширмоқда, булар ўсимликшунослик, ўрмончилик, уруғчилик, қурғоқчилик билан кураш, ер деградатсиясини олдини олиш, чўл биохилма-хиллигини сақлаш ва ундан барқарор фойдаланиш каби йўналишларни қамрам олади.
Музокараларда БМТнинг Саноат тараққиёти бўйича ташкилоти (YUNIDO) билан биргаликда ипакчилик бўйича лойиҳани тайёрлаш ва амалга оширишнинг амалий жиҳатлари муҳокама қилинди, шунингдек, ФАОнинг 2018-2021 йилларга мўлжалланган Ўзбекистон учун тайёрланаётган Ҳадли дастури юзасидан фикр алмашилди.
СЎНГИ ЯНГИЛИКЛАР