Тошкент, Ўзбекистон (UzDaily.uz) — Бугун, 6 ноябрь куни соат 16:00 да Қашқадарё вилоятининг Китоб тумани ҳудудидан ўтган М-39 йўлининг 1138 км.да "Китоб-Самарқанд" йўналишида ҳаракатланган "Cobalt" русумли автомобилни тоғ қиялигидан ёғингарчилик натижасида намланиш ҳисобига номустаҳкам харсангтош тушиб, босиб қолган.

Ҳодиса оқибатида автомобиль салонида бўлган 3 нафар фуқаро вафот этган.

Ҳодиса жойига ФВВ қутқаручилари, ЙПХ, Тез тиббий ёрдам ҳамда бошқа тегишли ташкилотлар ходимлари етиб бориб, вазият оқибатларини бартараф этди.

"Тахтақорача" довони транспортлар ҳаракати учун тез орада қайта очилади.

Республикамиз ҳудудларидаги довонлар орқали ҳаракатланувчи ҳайдовчилардан ёғингарчилик мавсумидаги вазиятдан келиб чиқиб, эҳтиёткорлик чораларини кўришлари, хавфли участкаларга транспорт воситаларини тўхтатмаслиги ҳамда огоҳлантирувчи ва таъқиқловчи белгиларга риоя этишларини сўраймиз. (https://t.me/MCHSUzbek/27919)