Тошкент, Ўзбекистон (UzDaily.uz) — Silk Avia авиакомпанияси Тошкент, Бухоро ва Қарши шаҳарлари ўртасидаги рейслар сонини кўпайтиришни эълон қилди, деб хабар бермоқда авиаташувчи матбуот хизмати.

29 ноябрдан бошлаб Тошкент — Бухоро — Тошкент йўналишидаги ҳафталик рейслар сони 19 тага етказилади.

Қўшимча US805/806 рейси душанба, сешанба, пайшанба, жума ва якшанба кунлари амалга оширилади.

Янги рейс жадвали:

Тошкентдан парвоз — 12:30, Бухорога етиб келиш — 14:50;

Бухородан парвоз — 15:30, Тошкентга етиб келиш — 16:50.

30 ноябрдан бошлаб Тошкент — Қарши — Тошкент йўналишида ҳам қўшимча US703/704 рейси жорий этилди, бу ҳафталик рейслар сонини 10 тага оширади.

Янги кечки рейс сешанба, пайшанба ва жума кунлари амалга оширилади:

Тошкентдан парвоз — 18:40, Қаршига етиб келиш — 20:00;

Қаршидан парвоз — 20:40, Тошкентга етиб келиш — 22:00.

Бу кенгайтириш минтақалараро авиақатновларга бўлган ортиб бораётган талабни қондириш ва Ўзбекистонда транспорт алоқаларини яхшилашга қаратилган.