Шавкат Мирзиёевнинг Фарғона вилоятига амалий ташрифи бошланди

Президент Шавкат Мирзиёевнинг Фарғона вилоятига сафари Олтиариқ туманидаги “Хайрулло Бахром Бойматов” фермер хўжалиги токзорига ташриф буюришдан бошланди, деб хабар бермоқда Президент матбуот хизмати.

Давлатимиз раҳбари 27-28 июль кунлари қишлоқ ва саноатда янги ишлаб чиқариш қувватлари, маҳаллалардаги шароитлар билан танишади. Шунингдек, вилоят иқтисодиёти ва аҳоли фаровонлигини янада юксалтиришда мавжуд имкониятлардан жойларда фойдаланишга бағишланган видеоселектор йиғилиши ҳам ўтказилиши режалаштирилган.