Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
02/02/2018
Сенатда АҚШ делегацияси билан учрашув бўлди
Сенатда АҚШ делегацияси билан учрашув бўлди
Тошкент, Ўзбекистон (UzDaily.uz) --
Ўзбекистон Республикаси Олий Мажлиси Сенатида 2018 йил 1 февраль куни Ўзбекистон Республикаси Олий Мажлиси Сенати Раисининг биринчи ўринбосари С. Сафоев ҳамда АҚШ Давлат котиби ёрдамчисининг Жанубий ва Марказий Осиё ишлари бўйича биринчи ўринбосари Э.Уэллс хоним бошчилигидаги АҚШ делегацияси аъзолари билан учрашув бўлиб ўтди.
Учрашув мобайнида меҳмон 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол тадбиркорлик, инновацион ғоялар ва технологияларни қўллаб-қувватлаш йили”да амалга оширишга доир Давлат дастурининг асосий қоидаларидан келиб чиққан ҳолда, мамлакатимизда олиб борилаётган муҳим ўзгаришларнинг мазмун-моҳиятидан хабардор этилди.
Томонлар парламентлараро мулоқотни янада жонлантириш, демократик ислоҳотларни ўтказишда, икки мамлакат ўртасида савдо-иқтисодий ва инвестициявий алоқаларни фаоллаштиришда ўзаро муносабатларни ривожлантириш каби соҳалардаги ҳамкорликнинг жорий ҳолати ва истиқболларини муҳокама қилдилар. Яқин қўшничилик ва ўзаро интеграция тамойилларига асосланган минтақавий ҳамкорликни ривожлантириш борасида Ўзбекистон Республикаси томонидан кўрилаётган саъй-ҳаракатларга алоҳида эътибор қаратилди.
Э.Уэллс хоним мамлакатимиз мутлақо янгича суръатда ривожлана бошлаганини қайд этиб, Ўзбекистонда юз бераётган ижобий ўзгаришларга ва ислоҳотларга юксак баҳо берди.
Ўзбекистон Республикаси Олий Мажлиси Сенатининг Ахборот хизмати.
СЎНГИ ЯНГИЛИКЛАР