Тошкент, Ўзбекистон (UzDaily.uz) — “Ўзчармсаноат” уюшмасида Россиянинг "Мебелетта" компанияси вакиллари билан учрашув бўлиб ўтди.

Мулоқотда компания мебель маҳсулотлари учун Ўзбекистондан табиий ва сунъий чарм харид қилиш масаласини кўриб чиқди.

Маълумот учун, "Мебелетта" компанияси Россиянинг Санкт-Петербург шаҳрида жойлашган бўлиб, асосан макртабгача таълим муассасалари, мактаблар, давлат идоралари ва хизмат кўрсатиш соҳалари учун металл рамкаларга асосланган мебель ишлаб чиқаради.

Аввалги йилларда компания мебель қопламалари учун Италия чармидан фойдаланиб келган, аммо ҳозирда у Ўзбекистондан чарм маҳсулотларини импорт қилишни мақсад қилган.

Компания вакиллари Ўзбекистонда ишлаб чиқарилган табиий ва сунъий чармнинг сифатини юқори, таннархини эса арзон деб баҳолади.

Шунинг учун улар "Ulkan-Laziz", "Sam Sunniy Deri" ва "Sanfa Leather" каби маҳаллий ишлаб чиқарувчилар билан музокаралар ўтказишни режалаштирган.

Бундан ташқари,мулоқотда кичик партиялар бўйича чарм маҳсулотларни сотиб олишни хоҳлаган бошқа Россия компаниялари учун Санкт-Петербургда "Ulkan-Laziz" МЧЖнинг савдо уйини ташкил этиш бўйича келишувга эришилди.