Тошкент, Ўзбекистон (UzDaily.uz) — Россия Федерацияси ташқи ишлар вазири Сергей Лавров Ўзбекистонга ташриф буюрди.

Ўзбекистон Республикаси ташқи ишлар вазири Бахтиёр Саидов ўзининг Telegram-каналида Россия ташқи ишлар вазири Сергей Лавровни Самарқандда кутиб олишдан мамнун эканлигини билдирди.

Унинг таъкидлашича, икки давлат ташқи сиёсий идоралари раҳбарлари ўртасида атрофлича ва самарали музокаралар бўлиб ўтади. Суҳбат чоғида икки томонлама ва кўп томонлама ҳамкорлик масалалари муҳокама қилиниши кутилмоқда.

«Биз Ўзбекистон ва Россия ўртасидаги ҳар томонлама алоқаларни янада мустаҳкамлашга интилаяпмиз — бу иш фақат халқларимиз фаровонлиги учун хизмат қилади», — дея қўшимча қилди Саидов.