Тошкент, Ўзбекистон (UzDaily.uz) — 2025 йил 1 январь ҳолатига кўра, республикада хорижий инвестициялар иштирокидаги корхоналар сони 14 871 тани ташкил этди, деб хабар бермоқда Статистика агентлиги.

Бунда энг кўп корхона пойтахт Тошкент шаҳрида рўйхатдан ўтган — 9 676 та. Иккинчи ўринда Тошкент вилояти жойлашган бўлиб, бу ерда 1 773 та корхона мавжуд. Учликни Самарқанд вилояти якунлайди — 570 та корхона.

Қолган ҳудудлардаги ҳолат қуйидагича:

Сурхондарё вилояти — 483 та
Фарғона вилояти — 456 та
Бухоро вилояти — 315 та
Андижон вилояти — 308 та
Навоий вилояти — 244 та
Наманган вилояти — 217 та
Жиззах вилояти — 201 та
Сирдарё вилояти — 200 та
Қорақалпоғистон Республикаси — 155 та
Қашқадарё вилояти — 140 та
Хоразм вилояти — 133 та
Шу тариқа, хорижий инвестициялар иштирокидаги корхоналарнинг асосий қисми Тошкент шаҳри ва унга яқин ҳудудларда жамланган бўлиб, бу ҳудудлар хорижий сармоялар учун энг жозибадор эканлигини кўрсатмоқда.