Тошкент, Ўзбекистон (UzDaily.uz) — Ўзбекистон Экология вазирлиги маслаҳатчиси ва собиқ депутат Расул Кушербоев электрон сигареталар ҳамда никотин етказиб бериш ускуналари айланмасини тақиқлашга қаратилган қонун лойиҳасини танқид қилди.

YouTube каналидаги видеомурожаатида у сигарет чекишга қарши эканлигини таъкидлар экан, бу қурилмаларни тақиқлашдаги мантиқни тушунмаслигини билдириб, алкогол истеъмолини чеклаш бўйича чоралар кўрилмаётганини танқид қилди.

Кушербоев алкоголнинг зарари чекишга қараганда анча жиддий эканлигини қайд этди.

У алкогол истеъмол қилиш кўпчилик жиноятларга сабаб бўлишини таъкидлаб, нима учун алкогол маҳсулотлари шунчалик қатъий назоратга олинмаганига савол қўйди.

Мисол тариқасида Нукусдаги фожиани келтириб ўтди, унда ФВВнинг маст ҳолдаги ҳарбийси 5 кишини яраладган ва биттасини ўлдирган эди. Шунингдек, алкогол истеъмоли туфайли юзага келган ўлимли ЙТҲлар ҳақида эслади.

Унинг фикрича, алкоголнинг жамиятга зарари катта, аммо унинг истеъмолини чеклаш бўйича қонун лойиҳалари йўқ.

Кушербоев устувор вазифаларни ҳақиқий хавф ва жамият учун таҳдидларга асосида қуруш кераклигини таъкидлади. Унинг фикрича, биринчи навбатда алкогол истеъмолини чеклашга эътибор қаратилмоғи лозим, электрон сигареталарни тақиқлашга эмас.

Шунингдек, собиқ депутат Ўзбекистонда вино ва пиво реклама қилинишига эътибор қаратди. Унинг айтишича, бу тамаки маҳсулотларига қарши кураш фонида мантиққа тўғри келмайди.

"Устуворликларни қайта кўриб чиқиб, энг муҳим масалаларга эътибор қаратиш керак. Агар устувор масалаларни аниқласак, қонун лойиҳалари мантиқли бўлади", — деб якунлади Кушербоев.

Айтиш жоизки, Ўзбекистонда сўнгги вақтларда электрон сигареталар билан боғлиқ муаммолар фаол муҳокама қилинаётган бўлса-да, саломатликка жиддий зарар етказувчи анъанавий тамаки маҳсулотлари ҳукумат ва депутатлар томонидан бунчалик диққат марказида эмас.