Ўзбекистон Республикаси Инновацион соғлиқни сақлаш миллий палатаси томонидан Миллий гвардия билан ҳамкорликда ҳамда Қибрай тумани ҳокимиятининг кўмагида COVID-19 билан касалланган беморларни даволашга ихтисослашган янги инновацион клиника очиляпти.

Клиниканинг очилиши сентябрга мўлжалланган.

Ушбу ҳамкорликда Миллий палата учун беморларга ҳар томонлама ёрдам кўрсатиш долзарб саналади. Бугун COVID-19нинг касалликларнинг ҳар хил тури билан шикастланганларга ҳар хил таъсир этаётгани маълум бўлиб қолди. Хоҳ ҳомиладор аёллар бўлсин, хоҳ сурункали касаллиги бор кишилар, кексалар, қайсилардаки иммунитет бир мунча заифлашган. Бу ҳолатда коронавирус инфекцияси билан боғлиқ касалланишда кузатиладиган соғлиқ учун индивидуал мураккаблашишни эътибордан четда қолдирмаслик керак. Бу борада Миллий палата COVID-19 билан касалланган беморларга ёрдам кўрсатиш учун зарур ҳолатда ўз вақтида тор мутахассисларни жалб этиш мақсадида янги шифохона шифокорлари билан доимий алоқада бўлиб туради. 

Ҳозирги вақтда Миллий палата томонидан ўзимизнинг ва чет эллик етакчи шифокорларни, экспертларни, жумладан хусусий клиникалардагини ҳам жалб этиш механизми ишлаб чиқариляпти. Бунда хусусий секторнинг жалб этилишига қарамай, беморларнинг асосий контингентига бепул ёрдам кўрсатилади.

Беморларни даволаш жараёнида телетиббиётнинг имкониятларидан кенг фойдаланилади. Бу эса ўз вақтида COVID-19га қарши курашда етарли тажриба тўплаган энг яхши мутахассислар маслаҳатларини ташкиллаштиришга ёрдам беради.

- Ушбу жараёнга муайян беморлар учун зарур бўлган мутахассисларни

жалб этиш, бу беморларни даволаш, шунингдек, уларнинг коронавирус инфекциясини юқтириб олиши натижасида кўрадиган зиёнини минималлаштириш жараёнидаги муваффақият гаровидир, - таъкидлайди Миллий палата раиси Ровшан Изамов. - Бугун нафақат COVID-19га қарши курашда тўпланган тажрибани кўпайтириш керак, шу билан бирга эпидемия шароитида одамларни даволашнинг халқаро тажриба ва стандартларга хос  янги схемаларини тузиш керак бўлади. COVID-19 пандемияси кўрсатганидек, соғлиқни сақлаш тизимида яхшиси аввалдан ва имкон қадар ўта синчковлик билан инновацион усулларни ишлаб чиқиш ва қўллаш керак. Бундай тайёрланишнинг муҳим элементи бўлиб ҳар хил кучларнинг бирикиши, одамларга ўз вақтида ёрдам кўрсатиш йўлидаги умумий мақсадга эришиш учун амалий ҳамкорлик хизмат қилади.

Клиниканинг очилишига шунингдек, Миллий палата томонидан катта партия индивидуал ҳимоя воситалари ҳам тайёрланяпти. Ушбу воситалар  шифокорлар ва тиббиёт соҳасининг бошқа ходимларига уларнинг соғлигини ҳимоя қилиш мақсадида топширилади. 

Бугунги кунда Миллий гвардия ва Қибрай тумани ҳокимияти кўмагида клиника биносининг COVID-19 билан касалланган беморларни қабул қилиш учун ажратилган бўлимида таъмирлаш ва махсус мослаштириш, шунингдек зарур замонавий тиббиёт ускуналари билан жиҳозлаш ишлари тугатиляпти. Клиника беморларни текшириш ва уларни даволаш формаларини белгилаш, COVID-19нинг оғир тури билан касалланган беморларни стационар даволаниш учун жойлаштириш имконига эга. Бу ерда барча зарур замонавий ускуналар билан жиҳозланган реанимация бўлими назарда тутилган бўлиб, у ерга тажрибали мутахассислар жалб этилади.

Бугун, бутун дунёда бир томондан COVID-19 билан касалланган беморларни даволаш тажрибаси мавжуд, яна бир томондан ушбу касалликнинг ҳар хил беморларда ҳар хил кечиши ҳақидаги тушунча ҳам мавжуд. Шу билан бирга коронавирус инфекцияси аниқланганларни қабул қилиш ва даволашни ташкиллаштириш усулига муносабат ўзгариб турибди. Бу борада янги қарорлар, ёрдамнинг инновацион шакллари, ҳалокатга учраган кишиларга максимал даражада ёрдам бериш асосий мақсади бўлган тизимлар ва ташкилотлар кучларини бириктириш долзарблиги юзага келяпти.

Ўзбекистон Республикаси Инновацион соғлиқни сақлаш миллий палатаси матбуот хизмати.