Тошкент, Ўзбекистон (UzDaily.uz) — Қамчиқ довонида олд ғилдираги носоз бўлганлиги сабабли юк машинаси ёниб кетди. Бу ҳақда Ўзбекистон ИИВ Йўл ҳаракати хавфсизлиги хизмати хабар берди.

Ҳодиса 2024 йил 5 ноябрь куни соат 13:30да А-373 автомобиль йўлининг 258-километрида Қамчиқ довони орқали Тошкент-Водий йўналишида содир бўлган.

Ҳодиса оқибатида жабрланганлар йўқ.

Йўл ҳаракати полицияси ва Фавқулодда вазиятлар вазирлиги воқеа жойида бўлиб, вазиятни тўлиқ назоратга олган.

Йўлнинг ушбу қисмида ҳаракат вақтинчалик тўхтатилди ва ёнғин ўчирилгандан сўнг дарҳол тикланади.