Энг сўнгги янгиликлардан хабардор бўлинг
Телеграм каналимизга обуна бўлинг
Технологиялар
30/08/2016
Ўзбекистонда "Янги интернет ташаббуси" танлови эълон қилинди
Ўзбекистонда "Янги интернет ташаббуси" танлови эълон қилинди
Тошкент, Ўзбекистон (UzDaily.uz) --
Ўзбекистонда "Янги интернет ташаббуси" танлови эълон қилинди. Танлов UZINFOCOM маркази ташаббуси билан ташкил этилиб, Ахборот технологиялари ва коммуникацияларини ривожлантириш Вазирлиги, Ўзбекистонда ахборот технологиялари ва коммуникацияларини (АТК) ривожлантириш Фонди кўмак бермоқда.
Ттанловни ўтказишдан кўзланган асосий мақсад, Интернет тормоғининг миллий сегментини ривожлантириш, фойдали ва янги интернет-манбаалар миқдорини ошириш, ҳамда янги интернет-манбааларни яратишга қизиқиш билдирган барча шахслар ва иқтидорли ёшларга сифатли манбааларни ишлаб чиқишда керакли шароитларни яратиш каби имкониятларни такдим этишдан иборатдир.
Танловда Ўзбекистон Республикасининг барча фуқаролари иштирок этиши мумкин. Фақатгина бир шарти – ариза топширилаётган вақтда уларнинг ёши 18 га тўлган бўлиши керак.
Саралаш босқичида иштирок этиш учун аризаларни 2016-йил 15-октябрь кунига қадар танловнинг расмий сайти www.internet-tashabbus.uz ёки tanlov@uzinfocom.uz электрон манзилга юбориш мумкин.
Финалда ҳакамлар ҳайъати қуйидаги асосий номинациялар бўйича ғолибларни аниқлашади: Маданият ва санъат; Соғлиқни сақлаш; Таълим; Хорижий тилларни ўрганиш; Ўзбекистоннинг флора ва фаунаси; Ўзбек тили ва адабиёти; Туризм; Спорт; Эркин мавзу.
Танлов ғолибларига ўз лойиҳаларини молиялаштириш имконияти, шунингдек UZINFOCOM Маркази томонидан техник ёрдам кўрсатилади.
СЎНГИ ЯНГИЛИКЛАР