Тошкент, Ўзбекистон (UzDaily.uz) — Олий Мажлис Қонунчилик палатасининг мажлисида оила ва хотин-қизларни қўллаб-қувватлаш тизимини такомиллаштиришга қаратилган қонун лойиҳаси иккинчи ўқишда моддама-модда кўриб чиқилмоқда.

Ушбу қонун лойиҳаси билан Уй-жой кодексининг 32-моддаси турар жойдан фойдаланиш ҳақидаги низоларни кўриб чиқилаётганда суд тарафларнинг келишувига асосан мулкдорнинг ташаббусига кўра, уй-жойга мажбурий тартибда киритилаётган тарафни мутаносиб шароитга эга бўлган бошқа турар жойга киритиши ёки ижарага олинган турар жой учун ижара ҳақини тўлаш мажбуриятини мулкдорга юклаши мумкинлиги бўйича норма киритилмоқда.

Мажлисда қонун лойиҳасини иккинчи ўқишга тайёрлаш жараёнида масъул қўмита томонидан бир қатор ишлар амалга оширилгани, депутатлар томонидан берилган қатор таклифлар асосида лойиҳа матнига тегишли ўзгартиришлар киритилиб, ҳужжат ҳар томонлама пишиқ-пухта ҳолатга келтирилгани ва маромига етказилгани таъкидланди.

Қонун лойиҳасининг қабул қилиниши уй-жой низоларини кўриб чиқишда мулкдорнинг манфаатларини инобатга олиш билан бирга, хотин-қизларга яшаш учун қулай шароит яратиш ҳамда оила ва хотин-қизлар бошқаруви тизимини такомиллаштиришга хизмат қилади.

Қонун лойиҳаси учинчи ўқишда қабул қилинди.