Тошкент, Ўзбекистон (UzDaily.uz) — Самарқанд вилоятининг Жомбой туманида автобус иштирокида йўл-транспорт ҳодисаси содир бўлди. Натижада 23 та аёл жароҳатланди, шулардан бири вафот этди, деб хабар беради Millar телеканали туман шифохонаси бош шифокори Тозагул Холиқовага таянган ҳолда.

Ҳодиса 11 февраль куни содир бўлган. Йўл ҳаракати хавфсизлиги бошқармаси маълумотига кўра, ҳодиса жойида 68 ёшли эркак ҳалок бўлган. Бироқ, унинг автобусда бўлгани ёки бошқа транспорт воситасида бўлгани аниқ айтилмаган.

Туман шифохонаси бош шифокори маълум қилишича, шифохонага 23 та аёл етказилган, уларнинг кўпчилигида оғир жароҳатлар мавжуд. 16 нафар йўловчи жарроҳлик бўлимига ётқизилган, икки нафари реанимацияда, уларнинг ҳолати оғир деб баҳоланмоқда.

Самарқанд вилояти Транспорт бошқармаси ҳодиса ва бир инсоннинг ҳалок бўлганини тасдиқлади, бироқ қўшимча маълумотлар ошкор қилинмади.