Тошкент, Ўзбекистон (UzDaily.uz) — Мустақил Давлатлар Ҳамдўстлигига аъзо давлатлар темир йўл транспорти бўйича Кенгашнинг 81-йиғилиши доирасида "Ўзбекистон темир йўллари" АЖ бошқарув раиси З.Нарзуллаев ва "Рохи охани Точикистон" ДУК раҳбари Комил Жумахон ўртасида икки томонлама ҳамкорликни мустаҳкамлаш бўйича учрашув бўлиб ўтди.

Ўзбекистон ва Тожикистон ўртасидаги юк ташишлар ҳажмини ошириш, рақобатбардош тарифларни қўллаш ҳамда янги юк ҳажмларини ошириш мақсадида юк ташувчилар учун қулай шарт-шароитлар яратиш бўйича музокаралар олиб борилди.

Учрашув якунида, "Ўзбекистон темир йўллари" АЖ ва "Рохи охани Точикистон" ДУК ўртасида ҳамкорлик бўйича Келишув имзоланди.

Шунингдек, Тожикистон темир йўл раҳбари Комил Жумахон "Ўзбекистон темир йўллари" АЖнинг ташкил этилганига 30 йил тўлиши муносабати билан жамият раҳбари З.Нарзуллаевни ва жамиятнинг барча ходимларини самимий муборакбод этди.