Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
16/01/2017
Ўзбекистон ва Қирғизистон давлатлараро чегара масалаларини муҳокама қилишмоқда
Ўзбекистон ва Қирғизистон давлатлараро чегара масалаларини муҳокама қилишмоқда
Тошкент, Ўзбекистон (UzDaily.uz) --
2017-йилнинг 16-январь куни Ўзбекистон Бош вазири ўринбосари Адҳам Икромов ҳамда Қирғизистон Республикаси Бош вазири ўринбосари Жениш Разаков Ўш шаҳрида учрашишди.
Қирғизистон Республикаси Ҳукумати Матбуот хизматининг хабар беришича, тасдиқланган режа-жадвалга биноан давлатлараро чегарани делимитация ва демаркация қилиш масалалари бўйича Ўзбекистон Республикаси ва Қирғизистон Республикаси Ҳукумат делегациялари ишчи гуруҳларининг учрашуви бўлиб ўтмоқда.
Мазкур учрашув Қирғизистон Республикаси Президенти Алмазбек Атамбаевнинг 2016-йилнинг декабрь ойида Ўзбекистон Республикасига ташрифи чоғида икки давлат раҳбарларининг келишувларига биноан ўтказилмоқда.
Ўзбекистон-Қирғистон давлат чегарасининг айрим участкалари бўйича позицияларни мувофиқлаштириш ҳамда давлат чегарасининг аввал мувофиқлаштирилган участкаларини амалий баён қилиш 17-январь куни давом эттирилади.
Ҳукумат делегациялари ичши гуруҳларининг навбатдаги учрашувини жорий йилнинг декабрь ойида Ўзбекистон ҳудудида ўтказишга келишиб олинди.
СЎНГИ ЯНГИЛИКЛАР
19/11/2024
Батафсил »