Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Ислом ҳамкорлик ташкилоти вазирлар йиғилиши доирасида Ўмон ташқи ишлар вазири Сайид Бадр бин Ҳамад ал-Бусаидий билан музокаралар ўтказди.

У ўмонлик ҳамкасбига яқинда Тошкентга амалга оширилган ташриф учун миннатдорлик билдириб, икки томонлама ҳамкорликни фаоллаштиришга интилишини таъкидлади.

Саидовнинг таъкидлашича, икки мамлакат ўртасида ҳали тўлиқ ишга солинмаган улкан салоҳият мавжуд бўлиб, уни рўёбга чиқариш лозим.

Шу муносабат билан, сиёсий маслаҳатлашувлар, Ҳукуматлараро қўшма комиссия фаолияти, бизнес алоқаларни ривожлантириш ҳамда тўғридан-тўғри авиақатновларни йўлга қўйиш бўйича музокаралар асосий устувор йўналишлар бўлиб қолмоқда.