Тошкент, Ўзбекистон (UzDaily.uz) — 9 ноябрь куни Ўзбекистон Савдо-саноат палатаси раиси Д.Вахабов ва «Zelal tekstil» компанияси асосчиси Фират Дениз Марокашнинг Касабланка шаҳрида бўлиб ўтган «Maroc in Mode 2024» кўргазмаси доирасида Марокаш Тўқимачилик ва тикувчилик саноати уюшмаси (AMITH) раҳбарияти билан учрашув ўтказди.

Учрашувда икки давлат тадбиркорлари ўртасидаги ҳамкорликни мустаҳкамлаш, ўзбек тўқимачилик маҳсулотларини Марокашга экспорт қилишни кўпайтириш ва кейинчалик қайта ишлаш ҳамда Европа Иттифоқи ва АҚШга экспорт қилиш масалалари муҳокама қилинди.

Томонлар савдо объектларини яратиш бўйича "йўл харитаси"ни ишлаб чиқишга келишиб олдилар, жумладан, Тардин шаҳрида омборхона ва Касабланкада Савдо-саноат палатаси ваколатхонасини очиш масалалари муҳокама қилинди. 

Шунингдек, йил охиригача Марокаш тадбиркорларининг Ўзбекистондаги бизнес миссиясига келишиб олинди. Бу миссия тўқимачилик, қурилиш, чарм саноати ва IT соҳаларида ҳамкорликни кенгайтиришга қаратилган.

«Maroc in Mode 2024» кўргазмаси 7-9 ноябрь кунлари бўлиб ўтди ва Марокашни мода таъминот занжирида етакчи ишлаб чиқарувчилар ва инновацион тўқимачилик ечимларини намойиш этадиган платформа бўлиб хизмат қилди. 

Учрашув Ўзбекистон ва Марокаш ўртасидаги тўқимачилик саноатидаги ҳамкорликни янада мустаҳкамлаш ва икки томонлама савдони ривожлантириш учун муҳим қадам бўлди.