Тошкент, Ўзбекистон (UzDaily.uz) — Ўзбекистон Республикаси Иқтисодиёт ва молия вазирлиги делегацияси вакиллари Малайзиянинг Тадбиркорлик ва кооперативларни ривожлантириш вазири ўринбосари Датук Сери Р. Раманан билан учрашди.

Учрашувда кичик ва ўрта бизнесларни ривожлантириш, тадбиркорлик тизимини мустаҳкамлаш, шунингдек, атроф-муҳит, ижтимоий ва корпоратив бошқарув (ESG) тамойилларини жорий этиш масалалари муҳокама қилинди. 

Томонлар кичик ва ўрта бизнес кесимида ҳалол сертификация саноатини ривожлантириш ва туризм соҳасидаги ҳамкорликни кучайтириш имкониятларини таъкидлаб, келгусида тажриба ва энг яхши амалиётларни алмашиш учун тизимли семинарлар ва ўзаро ташрифлар ўтказишга келишиб олди.