Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
28/02/2018
Ўзбекистон ФВВ ходимлари Корея Республикасига ташриф буюрди
Ўзбекистон ФВВ ходимлари Корея Республикасига ташриф буюрди
Тошкент, Ўзбекистон (UzDaily.uz) --
Жорий йилнинг 20-23 февраль кунлари Фавқулодда вазиятларда профилактика бошқармаси бошлиғи Дадаханов Шухрат Алижонович ва Тошкент шаҳар Фавқулодда вазиятлар бошқармаси бошлиғи Сотиев Хуршид Тўлқинбоевич Корея Республикасига хизмат сафари билан ташриф буюришди.
Мазкур ташриф Корея Республикаси Ички ишлар ва хавфсизлиги вазирлиги, ҳамда Кореянинг Ўзбекистондаги элчихонаси билан ҳамкорликда ташкил этилди.
Фавқулодда вазиятлар вазирлигининг офицерлари Улсан шаҳрида жойлашган Миллий институтнинг табиий офатларни бартараф этиш бошқармаси, Сондо ва Инчхон шаҳарларидаги «Smart City» обсерваториясида, Ички ишлар ва хавфсизлик вазирлиги ҳамда Сеул шаҳрининг Фавқулодда вазиятлар миллий маркази ва хавфсизлиги каби нуфузли ташкилотлар фаолияти билан яқиндан танишиш имкониятига эга бўлдилар.
Шунингдек, ФВВ вакиллари Корея Республикасида фавқулодда вазиятларни бартараф этиш ва уларни олдини олиш борасида амлага оширилган тадбирларни юқори баҳолашди.
Ташриф якунида Ички ишлар вазирлиги халқаро хамкорлик департаменти бошлиғи ва Корея Республикаси хавфсизлиги билан учрашув ўтказилди. Учрашув чоғида икки томонлама ҳамкорликни ривожлантириш бўйича истиқболли вазифалар белгилаб олинди.
СЎНГИ ЯНГИЛИКЛАР