Тошкент, Ўзбекистон (UzDaily.uz) — Ўзбекистон Футбол Ассоциацияси (ЎФА) президенти Абдусалом Азизов ўз лавозимидан истеъфога чиқди.

Осиё футбол конфедерацияси (ОФК) сайти маълумотига кўра, ЎФАнинг биринчи вице-президенти Равшан Эрматов вақтинча президент вазифасини бажарувчи этиб тайинланди.

ЎФАнинг Telegram-канали орқали маълум қилинганидек, 22 февраль куни ассоциациянинг навбатдан ташқари конгресси ўтказилади. Унгача ташкилот президент вазифасини Равшан Эрматов бажаради. ЎФАнинг янги раҳбарини сайлаш бўйича овоз бериш келаси ойга белгиланган.

Абдусалом Азизов 2019 йил июль ойида ассоциация президенти этиб тайинланган эди, у биринчи вице-премьер Oчилбoй Раматовнинг ўрнини эгаллаган. У 2021 йил сентябрь ойида яна шу лавозимга қайта сайланган.

2024 йил ноябрь ойида Абдусалом Азизов Давлат хавфсизлик хизмати (ДХХ) раиси лавозимидан озод қилинган ва декабрь ойи бошида ёшлар масалалари бўйича президент маслаҳатчисининг ўринбосари лавозимига тайинланган эди.