Тошкент, Ўзбекистон (UzDaily.uz) -- Ўзбекистон Республикаси маданият вазирининг биринчи ўринбосари Озодбек Назарбеков хизмат сафари билан Туркия давлатида бўлиб турибди.

Ташриф доирасида Туркиянинг Туризм ва маданият вазирининг биринчи ўринбосари Ахмад Халук Турсун билан музокара олиб бориши белгиланган.

Унда Туркияда Ўзбекистон маданияти кунлари ҳамда Ўзбекистонда Туркия маданияти кунларини ўтказиш, шунингдек, ҳар икки давлатда ҳам маданият марказлари ташкил этиш, маданий ҳамкорликни янада мустаҳкамлаш масалалари муҳокама этилади.