Тошкент, Ўзбекистон (UzDaily.uz) — 2025 йил январ ойида Олмалиқ кон-металлургия комбинати (ОКМК) 28,8 миллион долларлик маҳсулот экспорт қилди.

Хусусан, хорижий истеъмолчиларга 2,7 минг тонна мис маҳсулоти етказиб берилди, бу прогноздан 8,4% кўпроқдир.

Цинк маҳсулоти экспорти 1,5 минг тоннани ташкил этди ва режа 19,3% га оширилди. Ўтган йилнинг шу даврига нисбатан ўсиш суръати 153,5% ни ташкил қилди.

Шунингдек, мис купороси экспортида ҳам сезиларли ўсиш қайд этилди — режа 101,7% га бажарилиб, ўсиш суръати 138,8% га етди.

Таъкидлаш жоизки, ОКМКнинг экспорт географияси кенгайишда давом этмоқда. Ҳозирги вақтда комбинат маҳсулотлари 19 мамлакатга етказиб берилади. 2024 йилда Гвинея, Сенегал, Сербия, Жанубий Африка Республикаси ва Португалия каби янги бозорлар ўзлаштирилди, у ерларга мис прокати ва мис купороси экспорт қилинди.

2025 йилда комбинат экспорт географиясини кенгайтиришни режалаштирмоқда. Хусусан, Исроил ва Марокаш бозорларига ўз маҳсулотларини етказиб бериш кўзда тутилган.