Тошкент, Ўзбекистон (UzDaily.uz) — 20 мартдан 25 мартгача Ўзбекистоннинг олти вилоятида тоғли ҳудудларда кўчки хавфи юқори экани эълон қилинди. "Ўзгидромет" маълумотларига кўра, бу хавф кутилаётган ёғингарчилик ва ҳаво ҳароратининг ўзгариши билан боғлиқ.

Энг юқори кўчки хавфи қуйидаги ҳудудларда кузатилмоқда:

— Қашқадарё вилояти: Деҳқонобод, Қамаши, Китоб, Шаҳрисабз туманлари.

— Сурхондарё вилояти: Бойсун, Қумқурғон, Сариосиё, Узун туманлари.

— Самарқанд вилояти: Нуробод, Қўшработ, Самарқанд, Ургут туманлари.

— Жиззах вилояти: Бахмал, Зомин туманлари.

— Тошкент вилояти: Оҳангарон, Бўстонлиқ, Паркент туманлари (Чотқол тоғ тизимаси).

— Наманган вилояти: Поп тумани.

Тоғли ҳудудларда яшовчи аҳоли ва меҳмонлар, шунингдек, ушбу йўналишларда ҳаракатланувчи ҳайдовчилар эҳтиёткорлик чораларини кўришлари ва об-ҳаво прогнозини инобатга олишлари тавсия этилади.