Шундан хорижий инвестициялар ва халқаро молия ташкилотларининг кредитлари ҳисобига 74 та лойиҳа амалга оширилиши кўзда тутилган бўлиб, бунга 163 млн. АҚШ доллари миқдоридаги маблағлар жалб этилиши белгиланган.

2016 йилда амалга оширилиши бошланаётган, жами қиймати 428,7 млн. долларлик 108 та лойиҳа бўйича белгиланган ишлар амалга оширилмоқда. Жумладан, 21 та лойиҳа бўйича лойиҳа-смета хужжатлари ишлаб чиқилмоқда, 12 та лойиҳа бўйича маҳаллий ҳокимликлар томонидан ер майдонлари ажратилган, 22 та лойиҳа ташаббускорлари томонидан қурилиш ишлари амалга оширилмоқда, 23 та лойиҳа бўйича молиялаштириш бошланган, 17 та лойиҳада ускуналарни танлаш ва уларни олиб келиш учун шартномалар тузиш ишлари амалга ошириляпти.

Бундан ташқари, президентимиз қарори билан ташкил этилган янги ва қайта ишланган мева-сабзавот маҳсулотларини экспорт қилувчи ихтисослаштирилган «Ўзагроэкспорт» ташқи савдо компанияси томонидан ҳам қисқа муддат ичида бир қатор ишлар ималга оширилиб, сезиларли натижалар қайд этилмоқда. Хусусан, акциядорлик жамияти шаклидаги ихтисослаштирилган “Ўзагроэкспорт” ташқи савдо компанияси томонидан жорий йилнинг 11-май ҳолатига кўра, республикамизда етиштирилган 1 миллион 276 минг тонна ҳўл мева ва қайта ишланган мева-сабзавот маҳсулотларини экспорт қилиш бўйича хорижий шериклар ва тайёрлов корхоналари билан жами 176 та 1 миллиард 374 миллион АҚШ доллари қийматидаги узоқ ва қисқа муддатли комиссия шартномалари имзоланиши таъминланди.

Республикада мева-сабзавот маҳсулотларини қайта ишлаш, экспорт салоҳиятини ошириш бўйича амалга оширилаётган ишларга тўхталадиган бўлсак, бу кўрсатгич жорий йилнинг 10 май холатига кўра республика буйича жами 1 миллион 567 минг тонна мева, сабзавот, картошка, полиз ва узум маҳсулотларини харид қилиш бўйича шартномалар тузилди.