Тошкент, Ўзбекистон (UzDaily.uz) — 2024 йил 30-сентабр ҳолатига кўра, Ўзбекистоннинг ташқи қарзи $60,2 миллиардга етди. Бу ҳақда Марказий банкнинг тўлов баланси, халқаро инвестицион позиция ва ташқи қарз бўйича тўққиз ойлик ҳисоботида маълумот берилди.

Умумий ташқи қарзнинг $32,5 миллиард қисми давлат қарзи, $27,7 миллиард қисми эса корпоратив қарзга тўғри келади.

2024 йил бошидан буён ташқи қарз $7,2 миллиардга ошган. Таққослаш учун, 2023 йил охирида бу кўрсаткич $53 миллиардни ташкил этган бўлиб, шундан $29,7 миллиард давлат қарзи, $23,3 миллиард эса хусусий сектор қарзига тўғри келган.

Сўнгги икки йилда айнан корпоратив ташқи қарз умумий ташқи қарз ўсишининг асосий омилига айланган.