Тошкент, Ўзбекистон (UzDaily.uz) — 2025 йил январь–июнь ойларида республикадаги барча тоифадаги хўжаликлар томонидан 56,3 минг тонна узум етиштирилди, деб хабар бермоқда Давлат статистика қўмитасининг дастлабки маълумотлари.

Ўтган йилнинг шу даври билан таққослаганда, кўрсаткич 7,8 фоизга ўсди.

Ҳосилнинг энг катта қисми фермер хўжаликларига тўғри келиб, улар 31,0 минг тонна узум йиғиб олди.

Деҳқон ва шахсий ёрдамчи хўжаликлар ҳиссаси 24,4 минг тоннани ташкил этди, қишлоқ хўжалиги фаолияти билан шуғулланувчи ташкилотлар эса 0,9 минг тонна узум ишлаб чиқарди.