Тошкент, Ўзбекистон (UzDaily.uz) — Ўзбекистонда минтақадаги туризм харитасини ўзгартирадиган амбицияли лойиҳа амалга оширилмоқда — MSA Resort янги курорт комплекси. Ушбу лойиҳа ички ва халқаро туризмни, шунингдек, қишлоқ хўжалигини ривожлантиришда муҳим қадам бўлади. Комплекснинг қурилиши Тошкент вилоятининг Паркент туманида 2024 йилда бошланган бўлиб, 2025 йилда якунланиши режалаштирилган. Лойиҳа доирасида тахминан 350 та иш ўрни яратилиши кутилмоқда, бу эса минтақанинг иқтисодий ривожига ижобий таъсир кўрсатади. 

MSA Resort бир нечта асосий йўналишларни ривожлантиришга қаратилган: қишлоқ хўжалиги, гастро-, этно- ва агро-туризм, шунингдек, юқори қўшимча қийматга эга бўлган узум ва бошқа қишлоқ хўжалиги маҳсулотларини замонавий ишлаб чиқариш. Бу гўзал жой ўзбек маданиятининг, ноёб табиий манзаралар ва замонавий инфратузилманинг уйғунлашган марказига айланиши кутилмоқда. MSA Resort лойиҳаси оммавий тадбирларни ўтказиш учун кўп функцияли майдонларни, шу жумладан, 1000 ва ундан ортиқ кишини бир вақтнинг ўзида қабул қила оладиган опен-аир дам олиш ва кўнгилочар зоналарини, этник услубда безатилган юрт лагерини, меҳмонхона, ресторан ва дегустатция залини ўз ичига олади. Комплекснинг меҳмонлари Марказий Осиёдаги узумчилик ва виночилик тарихига шўнғишлари, шунингдек, тарихий-маданий меросга бағишланган марказни зиёрат қилишлари мумкин.

Лойиҳа йилига тахминан 20 минг нафар сайёҳни қабул қилишни мўлжалламоқда, бу эса MSA Ресортни минтақадаги энг кўп ташриф буюриладиган комплекслардан бирига айлантиради. Прогнозларга кўра, импорт ўрнини босишдан иқтисодий фойда йилига тахминан 1 миллион долларни ташкил этади, бу эса асосан MSA Family Winery винозаводи фаолияти билан боғлиқ бўлади, чунки у Эвропанинг энг яхши стандартларига мос равишда маҳсулотлар ишлаб чиқаради.

MSA Family Winery 2022 йилдан бошлаб Франциянинг Бордо шаҳридаги вино музейида ўзбек виносини тақдим этиб келмоқда ва нуфузли халқаро мусобақаларда тан олинган. 2023 йилда MSA Family Winery Германияда энг нуфузли вино мусобақаларидан бири бўлган Berliner Wine Trophy мусобақасида олтин медални қўлга киритди. Ушбу мусобақа Жаҳон узумчилик ва виночилик ташкилоти (ОИВ) ва Халқаро энологлар иттифоқи (УИОЭ) томонидан ҳомийлик қилинадиган дунёдаги энг йирик халқаро вино мусобақаларидан биридир. Шу йилнинг ўзида Германияда Mundus Vini мусобақасида 2 та кумуш медаль қўлга киритилди. Ҳар йили ютуқларни қўлга киритишни давом эттирган ҳолда, 2024 йилда MSA Family Winery Франциянинг Лион шаҳрида бўлиб ўтган Concours International de Lyon халқаро мусобақасида иккита олтин медални қўлга киритди ва халқаро мустақил экспертларнинг фикрига кўра, Ўзбекистондаги энг яхши вино деб топилди. Бундан ташқари, MSA Family Winery вакили Екатерина Мокрова Ўзбекистонда биринчи бўлиб ўтказилган соммелиэрлар мусобақасида ғалаба қозонди, бу эса ходимларнинг профессионализми ва ўз ишига бўлган садоқатини ҳамда ишлаб чиқарилаётган маҳсулотнинг юқори сифатини таъкидлайди.

MSA Resort комплекси нафақат муҳим туризм объекти, балки қишлоқ хўжалиги, виночилик ва маданий алмашувни ривожлантиришда муҳим қадам бўлади. Янги туристик объект Ўзбекистоннинг дунё миқёсидаги ўрнини мустаҳкамлашга, маҳаллий ишлаб чиқарувчилар ва тадбиркорлар учун янги имкониятлар яратишга ҳисса қўшади.