Тошкент, Ўзбекистон (UzDaily.uz) — Ўзбекистонда мопед ва скутер ҳайдовчилари учун ҳайдовчилик гувоҳномасига эга бўлиш талаби 1 октябргача кечиктирилди. Бу ҳақда Вазирлар Маҳкамаси қарорида айтиб ўтилди.

Дастлаб ушбу талаб 1 мартдан амалга кириши керак эди.

Эслатиб ўтамиз, 2024 йил июль ойида Ўзбекистонда ҳукумат қарорига мувофиқ, мопед ва скутерлар учун мажбурий давлат рўйхатидан ўтказиш тартиби жорий этилган эди.

26 декабрдан бошлаб, рўйхатдан ўтказиш ва имтиҳон бўлимларида рақамли давлат белгиларини бериш бошланган.

Йўл ҳаракати хавфсизлиги хизмати таъкидлашича, барча мопед, скутер ва электроскутерлар белгиланган муддатгача рўйхатдан ўтказилиши шарт. Уларни бошқарувчи ҳайдовчилар эса “А” тоифали ҳайдовчилик гувоҳномасига эга бўлишлари лозим.