Ўзбекистон ва Венгрия энергетика ва саноат соҳасида ҳамкорликни кенгайтириш масалаларини муҳокама қилди
Тошкент, Ўзбекистон (UzDaily.uz) — 2025 йил 14 июль куни Инвестициялар, саноат ва савдо вазирининг ўринбосари Хуррам Тешабаев Венгрия Ташқи ишлар ва ташқи иқтисодий алоқалар вазирлигининг энергетика хавфсизлиги бўйича давлат котиби ўринбосари Чаба Марошвари бошчилигидаги венгрия делегацияси билан учрашув ўтказди.
Учрашувда «Узатом» атом энергетикасини ривожлантириш агентлиги директори Азим Аҳмедҳажаев, дипломатик корпус ва бизнес вакиллари ҳам иштирок этди.
Томонлар энергетика соҳасидаги ҳамкорликни кенгайтириш истиқболлари, саноат кооперацияси имкониятлари ва қўшма ташаббусларни амалга ошириш масалаларини муҳокама қилдилар. Технологик ҳамкорлик ва бизнес алоқаларни чуқурлаштириш масалаларига алоҳида эътибор қаратилди.