Тошкент, Ўзбекистон (UzDaily.uz) — Ўзбекистоннинг Қувайтдаги элчиси Аюбхон Юнусов Қувайтнинг Меҳнат ресурслари бўйича Бош қўмитаси директори Марзук ал-Утайбий билан учрашувда меҳнат миграцияси соҳасидаги ҳамкорликни кенгайтириш истиқболларини муҳокама қилди, деб хабар беради "Дунё" ахборот агентлиги.

Қувайт малакали хорижий ишчиларга, хусусан, соғлиқни сақлаш ва хизмат кўрсатиш соҳаларида катта эҳтиёж борлигини тасдиқлади.

Учрашувда Ўзбекистон фуқароларининг Қувайтда меҳнат фаолияти давомида уларнинг ҳуқуқларини ҳимоя қилишни таъминлаш учун ҳуқуқий базани ривожлантириш зарурлиги қайд этилди.

Натижада, хусусий сектор учун ишчи кучи алмашинуви бўйича ўзаро англашув меморандумини ишлаб чиқиш ва имзолаш, шунингдек, ҳамкорлик тафсилотларини муҳокама қилиш учун онлайн музокаралар ўтказиш бўйича келишувга эришилди.